Mwanamuziki wa Bongo Fleva, Zuchu kutokea WCB ametangaza ujio wa kazi yake mpya Januari 20 2021 inayokwenda kwa jina Sukari ambayo itakuwa ndiyo kazi yake ya kwanza mwaka huu.

Ujio huo utakuwa ni ufunguzi wa mtiririko wa kazi zake kwa mwaka 2021 baada ya kufunga mwaka 2020 na zawadi ya wimbo ‘Hasara’ ambayo ilifanya vizuri.

Hasara ni wimbo aliouachia tarehe ya kumbukumbu ya kuzaliwa kwake ‘Nov 22’ na kuitaja kuwa ni zawadi kwa mashabiki wake katika kuerehekea yake siku hiyo.

Kupitia akurasa wake wa Instagram mwanamuziki huyo amewataarifu mashabiki zake kuisubilia wimbo huo katika akaunti yake ya youtube itakapokuwa tayari imekamilika.

Mwanamuziki huyo amejizolea umaarufu toka alipotambulishwa rasmi ndani ya lebo maarufu nchini ya WCB iliyo chini ya mwanamuziki nyota, Diamond Platnumz.