Mwanamuziki wa Bongo Fleva, Zuchu kutoka lebo ya WCB amewafahamisha mashabiki wake kuwa yupo mbioni kuachia wimbo wake mpya aliomshirikisha mwanamuziki Adenkule kutoka nchini Nigeria.

Zuchu amethibitisha kuwepo kwa kolabo hiyo kupitia ukurasa wake wa Instagram kwa kuweka picha na Video wakiwa Location na kusema kuwa Anaimani kuwa wote tupo Tayari kuipokea Kolabo hiyo.

Mwanamuziki huyo amesema kuwa kazi hiyo ipo mbioni kukamilika hivyo mashabiki wake wakae mkao wa kula kuipokea kazi hiyo mpya ambayo hakuitaja jina.

Ikikamilika ngoma hiyo Zuchu atakuwa amefanya kazi na wasanii wa Nigeria wawili baada ya kufanya na Joe Boy sasa anafanya kazi na Adenkule ambaye ni mume wa mwanamuziki wa Nigeria, Simi.