Wizara ya utalii visiwani Zanzibar imemtangaza msanii kutoka lebo ya Wasafi, Zuhura Othman Soud maarufu Kama Zuchu  kuwa ndiye balozi rasmi wa utalii visiwani Zanzibar kwa mwaka 2021.

Kupitia Instastory ya Diamond amepost cheti cha wizara ya utalii Zanzibar kikiwa kimeandika jina la “Zuhura Othman Soud” kama ndiye balozi rasmi wa utalii visiwani humo kwa mwaka 2021.

Haya ni mafanikio makubwa kwa Zuchu ambaye asili yake ni Zanzibar na mafanikio yake yanakuja ikiwa hajafikisha hata mwaka kwenye kiwanda cha muziki.

Zuchu ni mwanamuziki wa Bongo Fleva anayefanya vizuri kwasasa ambapo amekuwa mwanamuziki wa kwanza wa kike Afrika Mashariki kufikisha views milioni moja kabla ya masaa 24.