Mwanamuziki wa Bongo Fleva, Zuchu ameachia wimbo wake mpya ukiwa katika mahadhi ya singeli ambao umepokelewa vizuri na mashabiki wake.

Wimbo huo ameuachia jana Jumanne Juni 15, 2021, ambao kaupa jina la ‘Nyumba Ndogo’. ambapo utakuwa wimbo wake kwanza kwa maadhi ya singeli.

Ujio wa wimbo huo alianza kuutangaza tangu wiki iliyopita na baadhi ya maneno aliyokuwa akiwauliza mashabiki wake kupitia ukurasa wake kwenye mtandao wa Instagram ni pamoja na kuwataka waseme ‘SU’ ilii auchie.

Zuchu kutoa wimbo wa singeli atakuwa msanii wa tatu ndani ya lebo ya WCB kufanya hivyo, akitanguliwa na Lavalava aliyeimba wimbo wa Wanga kwa kushirikishwa na msanii wa singeli Meja Kunta uliotoka februari mwaka 2020.

Wimbo huo ukiwa haujapoa Machi mwaka huohuo msanii Rayvanny naye akaachia Miss Buza ukiwa katika mahadhi hayo ya singeli ambao mpaka sasa umeshatazamwa zaidi ya mara milioni 8.