Mbunge wa Kigoma Mjini, Zitto Kabwe amempongeza Rais Magufuli kwa jitihada zake za kupambana na rushwa baada ya kukamatwa kwa watuhumiwa Tegeta Escrow.

Zitto amesema kuwa amesema kwa muda wote jana ameona kuwa vita ya ufisadi ina maana kubwa baada ya watuhumiwa hao kufikishwa mahakamani kwa makosa hayo.

Zitto ameyasema hayo jana  kupitia ukurasa wake wa Twitter ambao aliandika jumbe kadhaa kupongeza jitihada hizo za Rais Magufuli ambapo katika moja ya jumbe zake alisema kuwa, kukamatwa kwa watuhumiwa hao wa sakata la Tegeta Escrow ni moja ya hatua kubwa sana za Rais Magufuli dhidi ya rushwa.

Zitto ambaye ni kiongozi wa Chama Cha ACT-Wazalendo amesema kuwa licha ya kuwa amekuwa akimpinga Rais Magufuli katika mambo mbalimbali na ataendelea kumpinga, lakini katika hili la kukamatwa kwa James Rugemarila na Harbinder Sethi anamuunga mkono na kumpongeza sana.