Mwanamuziki wa Bongo Fleva, Young Lunya amekanusha habari zilizoenea katika mitandao ya kijamii kuwa anatoka kimapenzi na muigizaji wa Bongo Movie, Jacqueline Wolper.

Kauli hiyo ya mwanamuziki huyo imekuja baada ya taarifa za wawili hao kuenea katika mitandao ya kijamii kuwa wanatoka kimapenzi jambo ambalo mwanamuziki huyo amelipinga vikali.

Young Lunya ambaye ni memba wa kundi la OMG amesema kuwa Jacqueline Wolper anamchukulia kama dada yake ambaye anamsapoti katika kazi zake za muziki kwa hiyo hawezi kutoka nae kimapenzi kwani anamuheshimu sana.

Mwanamuziki huyo amesisitiza kuwa hakuna ukweli wowote kwenye suala hilo kwani mitandao imezoea kusambaza taarifa zisizokuwa za kweli.