Mkali wa hip hop Bongo, Young D amesema kuwa kwasasa asifananishwe uwezo wake na Young Killer pamoja na Dogo Janja kwani ni vifaranga vyake kwenye muziki.

Kauli hiyo ya Young D imekuja kufuatia siku za hivi karibuni Young Killer  aliposema kuwa Young D na Dogo Janja hata wakiingia studio wote halafu wafanye ngoma ya pamoja,  na yeye Young Killer aingie studio afanye ngoma yake peke yake bado hawatamfikia hata wafanyeje.

Pia Young D amesema kuwa mashabiki wasimfananishe na hao watu kwani haendani nao hata kidogo.

Alichofunguka Young Dee kuhusu kauli ya Young Killer kusema hawamuwezi, ni kuwa Young Killer na Dogo Janja  ni vifaranga vyake,  kwa hiyo hawamuwezi hata kidogo.

Dogo Janja na Young Killer, alisema uwezo wake ni mkubwa sana, hawezi kufanya shoo kwenye jukwaa moja nao.

Siku zote hamna msanii ambaye anakubali kufunikwa lakini hii ya hawa vijana wanaofanya muziki wa HipHop imekuwa balaa pale kila mtu anapojiona yupo juu ya mwenziye, lakini wote ni wakali wa HipHop kutoka Tanzania kwenye kisiwa cha burudani.