Wanamuziki wa Nigeria, Wizkid na Tiwa Savage, wamekuwa wakihusishwa kuwa kwenye uhusiano, hivyo wawili hao wamedai hakuna chochote kinachoendelea zaidi ya urafiki.

Mashabiki wamekuwa na maswali mengi baada ya kuwaona wakiwa pamoja mara kwa mara, hasa sehemu za starehe, lakini Wizkid amedai muziki unawafanya wawe pamoja.

Wizkid amesema kuwa “Tiwa Savage ni rafiki yangu wa karibu sana, nimefanya naye kazi mbalimbali na tunaendelea kufanya kazi pamoja na ndiyo maana urafiki wetu unazidi kukua. Hatuwezi kufika huko ambako watu wanafikiri, lakini tunatarajia kufika mbali zaidi kutokana na muziki wetu,”.

Kwa upande wa Tiwa Savage, alisema: “Watu wanashtushwa na jinsi tulivyo karibu, hasa tukiwa kwenye jukwaa moja tunaweza hata kushikana, hiyo ni moja ya sanaa na si mapenzi kama watu wanavyodhani”.

Wawili hao wanahusishwa kutoka kimapenzi kutokana na ukaribu wao wa kikazi uliopo kwasasa tofauti na hapo awali.