Staa wa muziki kutokea nchini Kenya, Wilson A. Radido maarufu Willy Paul Msafi ametangaza kuachia Album kati ya Okt. 6 -30 mwaka huu.

Willy Paul kati ya mastaa Kenya wasiopotea kwenye vichwa vya habari kila leo ameweka wazi mpango wa ujio wake huo kupitia ukurasa wake wa Instagram leo Okt. 5 2021.

Katika taarifa yake hiyo, Willy aliwapa uwanja mashabiki kuchagua tarehe ya yeye kuachia album hiyo aliyoitaja kuwa kati ya album bora kuwahi kuingizwa sokoni.

Msanii huyo amewataka mashabiki wake kuingojea albam hiyo kwani amefanya vizuri vizuri ndani ya albam hiyo atakayoiachia mwezi huu.