Mtandao maarufu wa WikiHow umeaomba radhi na kukiri kuwa umefadhaishwa na kujiskia aibu baada ya kuweka picha ya rais mstaafu wa Marekani, Barack Obama, Jay Z na Beyonce wakipnekana ‘wazungu’.

Picha hiyo ya watatu hao ilipigwa mwaka 2012 wakati Obama akiwa madarakani na ilipigwa wakati wa uchangishaji fedha wa hisani.

Picha iliyozua utata huo iliwekwa kwenye makala iliyokuwa na kichwa cha habari kisemacho ‘how to become a congressman’…’Namna ya kuwa mbunge wa bunge la Marekani’.

Picha ya watatu hao ilikuwa imetengenezwa kama vikaragosi huku vikiwa vimefanywa kuwa vyeupe (wazungu).

Mtandao huo umejaribu kufafanua kilichotokea lakini bado hakijaweza kushusha hasira za watu.