Lebo ya WCB ikiwa kwenye hatua za mwisho za ufunguzi wa studio yao mpya ya kisasa, uongozi wa lebo hiyo umetoa ofa kwa wasanii wao wenye kipaji cha utangazaji kujitokeza.

Hayo yamesemwa na kiongozi wa lebo hiyo, Diamond Platnumz kuhusu mwenndo wa studio hiyo ya Radio na Tv.

Diamond Platinumz amesema, studio hiyo ambayo wamewekeza kiasi kikubwa cha fedha, wataanza na kuangalia na wasanii wake wenye kipaji cha utangazaji.

Amesema kuwa “Mbali ya kuwa na watangazaji wazoefu, pia fursa tutatoa kwa wasanii wa WCB kutangaza kama wapo ambao wana vipaji tutawapa kipaumbele zaidi,”.

Pia Diamond ameongeza kwa kusema vijana wajitokeze kuomba nafasi, kwa kuwa ndio walengwa wakuu katika vipindi mbalimbali. Uzinduzi wa studio hiyo unatarajiwa kufanyika mapema mwezi ujao.