Mwanamuziki wa Bongo Fleva, Vanessa Mdee amezidi kupata mafanikio katika muziki wake baada ya kupata dili jipya la mkwanja mrefu na kampuni ya Universal na Air force 1.

Pia Vanessa amesaini na kupata mkwanja mwaka huu baada ya kupata nafasi ya kuwa balozi wa Hyatt Regency.

Kupitia ukurasa wake wa Instagram mwanamuziki aliweka wazi mafanikio hayo aliyoyapata baada ya kupata nafasi ya kipekee kabisa ya kufanya kazi na kampuni hizo kubwa duniani.

Vanessa aliandika “Kama ilivyo ada tunaanza kwa kumshukuru Mungu kwa baraka zake na kibali chake cha kutufikisha siku njema ya leo . Nimeona nitumie fursa hii wapendwa mashabiki zangu mwanzoni mwa mwaka huu nilipitia changamoto nyingi sana, lakini kwa neema za Mungu nilitoka mahali pale na sio kuona baraka tu bali na maajabu mengi yaliyotokea kwenye maisha yangu. Ikiwemo kuwa mmoja wa familia ya Universal music group in a unique signing joint between #Universalmusicgermany #airforce1 #Universalmusicgroup”.

Mafanikio ya mwanamuziki huyo yanaonesha jinsi gani anavyojituma kwenye kazi yake mpaka kupelekea kufanya kazi na kampuni kubwa duniani.