Mwanamuziki wa Bongo Fleva, Vanessa Mdee ameposti video kwenye ukurasa wake wa Instagram akiwa amevaa koti analodaiwa kulinunua kwa shilingi bilioni nne za Tanzania.

Baadhi ya wachangiaji kwenye mtandao wa kijamii wamedai kuwa koti hilo lilikuwa la mwanamuziki mkubwa duniani, Janet Jackson.

Janet alilivaa koti hilo kwenye ziara yake ya kimuziki iliyokwenda kwa jina la Rhythm World Tour ya mwaka 1990.

Vanessa na mpenzi wake, Olurotimi Akinosho ‘Rotimi’, koti hilo walilinunua kwa Dola za Kimarekani milioni mbili (zaidi ya shilingi bilioni 4.6 za Kibongo).

Jambo hilo liliwafanya mashabiki wa mwanadada huyo kila mmoja kuongea lake huku baadhi yao wakisema kuwa siyo kweli na hawezi kununua koti kwa kiasi chote hicho cha pesa.

Vanessa amesema kwa kifupi tu kuwa, ni kweli amenunua, lakini kwa sasa aachwe atalizungumzia hilo atakapokuwa tayari.