Rais wa Marekani, Donald Trump amemtaka waziri mkuu wa Israel Benjamin Netanyahu kusitisha ujenzi wa makazi unaoendelea ili kuleta amani kati ya Israel na Palestina.

Trump amesema kuwa pande zote mbili zitahitajika kuwa na maridhiamo na kwamba angetaka Israel isitishe kidogo ujenzi wa makazi unaoendelea hivi.

Kwa upande wake Netanyahu amesema Israel sharti ihakikishe kuwepo kwa usalama katika eneo la linalokaliwa la West Bank.

Amesema hivi sasa kuna fursa kubwa ya kuwepo kwa makubaliano ya amani kwa kushirika wajumbe wengine wa nchi za kiarabu.

Pia Netanyahu pia amesema anaamini kwamba uongozi wa bwana Trump unatoa fursa ya kihistoria ya kubadilisha kile alichokiita kama kuwepo kwa wimbi la waislamu wenye msimamo mkali.