Baada ya mwanamuziki, Mo Music kusema kuwa mwanamuziki mwenzake, Tombulo anambania kurudi kwenye uongozi wake wa awali, Timbulo amesema kuwa hakuna ukweli kuhusu tuhma hizo.

Timbulo amesema yeye ni miongoni mwa watu ambao walikuwa mstari wa mbele kumsaidia Mo Music na hakutaka kutangaza juu ya hilo, hivyo anashangzwa na taarifa za kusema kuwa anambania.

Mwanamuziki huyo amesema kuwa Mo Music ni kijana ambaye anatamani kumuona mbali zaidi kuliko alipo sasa  na bado anaamini kuwa yeye ni msanii mzuri.

Timbulo aliendelea kusema kuwa hata Mo Music alipotaka kuondoka kwenye uongozi wao alimsihi asiondoke, lakini hakutaka kusikia na kuondoka.

Msanii huyo amesema kuwa “Mimi ni mmoja wa watu ambao wakati Mo Music anajaribu kutoka  kwenye management nilijaribu sana kumsisitiza na kumkataza asitoke, hata ilipofikia hatua kwamba lazima aondoke kwa maelezo yake nilijaribu kumsihi  asipige kelele kuhusiana na ‘management’ iliyopita kwa sababu hajui anakoenda, maneno ya hekima sana, baadaye yakabadilika na kuwa mengine”.

Timbulo amemtaka Mo Music ajitokeze katika vyombo vya habari na aseme amebaniwa kwa upande upi na kivipi mpaka kusambaza habari hizo.