Mkongwe wa muziki wa Bongo Fleva, Khaled Mohamed maarufu kama TID a.k.a Mnyama ametumia ukurasa wake wa Instagram kumtakia heri ya siku ya kuzaliwa mkuu wa mkoa wa Dar es Salaam, Paul Makonda.

Mkuu wa mkoa wa Dar es Salaam, Paul Makonda amezaliwa tarehe na mwezi kama wa leo kwa hiyo anasheherekea siku yake ya kuzaliwa.

Kupitia ukurasa wake wa Instagram TID ameandika ujumbe wa kumtakia heri ya siku ya kuzaliwa pamoja na picha ya Makonda. Maneno hayo yalisomeka  “Happy Birthday Daresalaam,happy birthday Mheshimiwa…. @paulmakonda am so happy today.”

TID ni miongoni mwa wasanii wa Bongo Fleva waliotajwa na mkuu wa mkoa wa Dar es Salaam wanaojihusisha na madawa ya kulevya na kutakiwa kufika kituo kikuu cha polisi (Central) jijini Dar es Salaam kujibu tuhuma hizo.

Kwasasa TID amekiri kutumia dawa za kulevya baada ya kutoa ushuhuda wake na kuwaomba radhi watanzania kwenye mkutano ulioandaliwa na mkuu wa mkoa huyo katika ukumbi wa Mwl. Julius Nyerere uliopo Posta jijini Dar es Salaam.