Mwanamuziki wa Uganda kutoka kundi la Godlife, Radio amefariki dunia wakati akipatiwa matibabu hospitalini nchini humo.

Msanii huyo hali yake ilikuwa ikiripotiwa kuwa mbaya kufuatia majereha aliyoyapata kutokana na ajali.

Hapo jana Rais wa Uganda, Yoweri Museven alitoa Milioni 30 kwa ajili ya  matibabu ya msanii huyo.

Pia kulikuwa na maombi maalumu yalikuwa yameandaliwa kwa ajili ya kumuombea ambayo yalitarajiwa kufanyika February 4 mwaka huu katika kanisa la Light the World.

Mwanamuziki huyo alikuwa akifanya kazi na mwanamuziki mwenzake Weasel ambapo walitamba na vibao kama vile ‘Zuwena’, na nyinginezo.