Aliyekuwa mume wa Zari The Boss Lady anayejulikana kwa jina la Ivan Ssemwanga maarufu kama ‘The Don’ amefariki dunia baada ya kuugua ugonjwa wa moyo.

Kutokana na ugonjwa Ivan alilazwa katika hospitali ya Steve Biko Academic mjini Pretoria nchini Afrika Kusini alikokuwa anapatiwa matibabu.

 Ivan alionekana kuwa na kiharusi hata kukosa fahamu kwa muda wa siku 11 ambapo taarifa za awali zilisema kuwa alisumbuliwa na maradhi ya Shambulio la Moyo (Coronary Artery Disease).

Taarifa za kifo chake kimethibitishwa na aliyekuwa mke wake Zari The Bosy Lady kupitia akaunti yake ya Instagram.

Zari na Ivan amefanikiwa kupata watoto watatu ambao Zari anaishi nao nchini Afrika Kusini kwenye nyumba ya Diamond.