Mwanamuziki wa Hip Hop Bongo kutoka kundi la Rostam, Stamina amethibitisha kupata mtoto wa kiume aitwaye Lionel.

Rapa huyo ambaye ndoa yake ilivunjika mapema mwaka huu, leo ameshare nasi picha ya kijana wake aliyempa jina la mchezaji wa timu yaTaifa ya Argentina na FC Barcelona Lionel Messi ameandika juu ya kupata kijana huyo kupitia ukurasa wake wa mtandao wa kijamii wa Instagram.

Kupitia akaunti yake Stamina ameandika“ Ndoto za watu wengi duniani hapa ni kupata mtoto/watoto kama tulivyoagizwa katika vitabu vitakatifu, kuwa tukazaliane na kuijaza dunia. Asante Mungu kwa kuniletea kiumbe huyu mpya duniani, and now I’m officially a father.

Ungekuwa wa kike ningekupa jina la mama yangu ili kumuenzi huko kaburini. Lakini kwakuwa ni wa kiume na kwa mapenzi niliyonayo kwenye soka, na mchezaji wangu bora ni Messi nimekupa jina nawe utaitwa Messi.

Mungu akujalie afya njema na ridhiki ya kutosha, akulinde milele yote,uishi kwenye maadili ya kumpendeza yeye siku zote!! Dunia ina mambo mengi mwanangu, Kua salama Ukayashuhudie!!umetimiza 40 jana.