Muigizaji mkonwe wa Marekani, Morgan Freeman mwenye umri wa miaka 81 anaripotiwa kuingia matatizoni kwa tuhuma za kuwafanyia unyanyasaji wa kingono wanawake nane tofauti  katika kazi zake za uigizaji.

Taarifa zinasema kuwa 2015 akiwa katika utengenezaji wa filamu ya “Going In Style” na mmoja kati ya wanawake waliokuwa wakifanya nae kazi hiyo, anadaiwa kutenda kosa la unyanyasaji wa kingono.

Shirika la habari la CNN imeripoti baada ya kumpata mmoja kati ya wanawake waliofanyiwa unyanyasaji huo ambaye alitambulika kwa jina la Chloe Melas na kusema kuwa muigizaji huyo alijaribu kumfanyia unyanyasaji huo wakati akiwa na mimba ya miezi sita huku akimwambia maneno mazito ya kimahaba.

Baada ya CCN kufanya mahojiano na wanawake 16 na nane kati ya hao walikubali kufanyiwa unyanyasaji huo, huku wengine wakishuhudia kitendo hicho.

Morgan Freeman amewahi kushinda tuzo mbalimbali kama Academy Award 2005 kupitia movie ya Million Dollar Baby lakini amewahi kuchaguliwa mara kadhaa kuwania tuzo za Oscar kupitia movie mbalimbali kama Street Smart (1987) na Driving Miss Daissy.