Kamanda wa Polisi wa Kanda Maalum ya Dar es Salaam, Simon Sirro amesema kuwa jumla ya watuhumiwa waliokamatwa kwa kujihusisha na madawa ya kulevya ni 311.

Kamanda Sirro amesema hayo jana wakati wa mkutano wa kutaja majina ya watu wanaohusika na biashara ya dawa za kulevya uliofanyika katika ukumbi wa mikutano wa Mwalim Julius Kambarage Nyerere uliopo Posta jijini Dar es Salaam.

Sirro amesema kuwa watuhumiwa hao wamekamatwa na vielelezo wakiwa na kete 544 za heroin, Mirungi bunda 21.

Pia kamanda Sirro amesema kuwa 117 wamekutwa na vielelezo na wengine 194 hawajakutwa na vielelezo.

Kamanda Sirro ameongeza kuwa watuhumiwa ambao hawajaripoti watasakwa popote walipo na kupelekwa mahakamani.