Mwanamuziki wa Bongo Fleva, Shetta amefunguka na kuweka wazi kuwa rapa Mwana FA ndiyo msanii wa kwanza kumsaidia kimuziki bila kutaka malipo ya aina yoyote.

Shetta ameeleza kuwa Mwana FA ni msanii wa kwanza kumsadia kwa kufanya naye wimbo baada ya wasanii wengine kumkataa hata wengine wakitaka malipo ili kushirikiana naye.

Shetta anaongeza kuwa wapo waliomtaka awalipe Pesa nyingi ili wafanye naye kazi, jambo ambalo lilikuwa tofauti kwa Mwana FA hata alipotaka kumlipa kidogo alichokuwa nacho.

Rapper Shetta na Mwana FA wameshakutana kwenye wimbo uliotoka miaka 9 iliyopita unaokwenda kwa jina ‘Me Na Play’ uliotamba siku hizo za nyuma.