Shabiki mmoja ameshindwa kujizuia baada ya kutoka jukwaani na kuingia hadi uwanjani kwenda kumkumbatia mshambuliaji wa Everton, Wayne Rooney wakati wa mechi ya kirafiki kati ya Gor Mahia dhidi ya Everton.

Jamaa huyo ambae alikuwa amevaa jezi ya Manchester United hakufahamika jina lake mara moja alikimbia kutoka jukwaani na kukatiza uwanjani hadi kwa Roone na kumkumbatia.

Baada ya kutolewa na askari Polisi na kukamatwa, Makamo wa Rais Samia Suluhu Hassan aliamuru kuachiwa.

Kwenye mechi hiyo, Rooney amefunga goli lake la kwanza tangu arejee Everton akitokea Manchester United sehemu aliyopata umaarufu mkubwa kutokana na mafanikio aliyoyapata.

Mechi hiyo imemalizika kwa Everton kupata ushindi wa magoli 2-1 katika uwanja wa Taifa jijini Dar es Salaam.

Everton walitangulia kufunga goli la kwanza ambalo lilipachikwa na Rooney kisha Medie Kagere akaisawazishia Gor Mahia kabla ya Dowell kufunga bao la pili kwa Everton.