Mchezaji tenisi nyota wa Marekani, Serena Williams amefunga ndoa na mwanzilishi mwenza wa Reddit Alexis Ohanian.

Mastaa kibao walihudhuria sherehe hiyo ya harusi akiwemo, Beyonce, Kim Kardashian na Eva Longoria ambapo harusi hiyo ilifanyika katika eneo la New Orleans jana.

Sherehe hiyo ilikuwa na wageni 200 katika orodha ya wageni kulingana na vyombo vya habari.

Eneo moja kubwa la mji lilifungwa kwa sherehe hiyo ambayo ilifanyika katika kituo cha Contemporary Arts Center.

Wageni wengine ni pamoja na nyota Caroline Wozniack, Kelly Rolland ,Ciara, La La Anthony na muhariri wa jarida la Vogue Anna Wintour kulingana na gazeti la daily mail.

Limeripoti kwamba harusi hiyo iligharimu dola milioni 1 huku wageni wakiagizwa kutoingia na simu zao kutokana na mkataba na jarida la Vogue.

Kocha wake Patrick Mouratoglu alimtakia serena ”siku njema ya harusi” katika mtandao wake wa Instagram.