Mwanamuziki wa Bongo Fleva, Hellen George ‘Ruby’ amekanusha kutoka kimapenzi na mwanamuziki mwenzake Ali Kiba.

Ruby amekanusha taarifa hizo baada ya kusambaa tetesi kwenye mitandao ya kijamii zikihoji ukaribu unaohusishwa na kutoka kimapenzi baina ya waimbaji hao.

Ruby amesema kuwa taarifa za ukaribu wake na Kiba amekuwa akiziona kwenye mitandao ya kijamii lakini hakuna kinachoendelea kati yao kwani hata namba yake ya simu hajawahi kuwa nayo.

“Na mimi taarifa hizo nimekuwa nikiziona kama wewe ulivyoziona, sioni jipya kwasababu walishawahi kusema kuwa nipo karibu sana na Diamond, sasa wamegeukia kwa Kiba ambaye hata mawasiliano yake sijawahi kuwa nayo,”.