Mwanamuziki wa Bongo Fleva, Rich Mavoko amefunguka kusema ilikuwa mipango na malengo yake kuwa kimya kwa muda mrefu lakini sasa amerudi tena upya.

Kauli hiyo ya Rich Mavoko imekuja kufuatia baadhi ya watu kuhoji kwanini mwanamuziki huyo amekaa kimya kwenye game ya muziki wa Bongo Fleva wakati kipaji chake ni cha hali ya juu kuliko wasanii waonafanya vizuri kwasasa.

Pia Mavoko amesema kuwa comment aliyoandika Harmonize kwenye mtandao wa Instagram kuhusu ukimya wake anaitafsiri kama ni hisia kwani aliishi naye vizuri wakiwa lebo ya WCB iliyochini ya Diamond Platnumz.

“Wakati Harmonize anaandika ile comment nilikuwa sina mawasiliano naye, pili niliichukulia kama alikuwa hajui nipo wapi na nafanya nini labda kwa sababu alihisi kuna vitu vinaongeleka, alikuwa na haki ya kuandika anachohisi kutokana hisia zake na aliyokuwa anayaona, pia yule ni mdogo wangu na niliishi naye vizuri” ameeleza Rich Mavoko

Rich Mvoko kwasasa amerudi tena kwenye muziki baada ya kukaa kimya bila kuachia wimbo wowote kitu ambacho kimewaumiza sana amashabiki wake.