Mwanamuziki wa Bongo Fleva, Rich Mavoko amefunguka na kudai kuwa yeye na msanii mwenzake Lulu Diva ni washkaji tu na hawana mahusiano.

Mavoko na Lulu Diva wanahusisha kuwa katika uhusiano baada ya video iliyowaonyesha wakibusiana kuenea Mtandaoni na baadae Mavoko kumposti Lulu Diva na kumpa maneno matamu.

Lakini baadae ilikuja kujulikana kuwa yalikuwa ni maneno yanayopatikana Kwenye wimbo wao mpya unaojulikana kama Ona ambao kwa hivi sasa inafanya sana pia Kwenye Sehemu mbali mbali.

Siku ya jana Mavoko alihudhuria hafla ya Iftari iliyoandaliwa na Wasafi Tv na alipoulizwa na Dizzim Online kuhusu Lulu Diva ambaye walikuwa wameongozana alidai hawana mahusiano bali marafiki wazuri tu.

Inavyosemakana kuwa Lulu Diva alimuacha mpenzi wake aliyekuwa amemchumbia na aliyekuwa tayari kumuoa kwa ajili ya penzi la Mavoko.