Mkuu wa mkoa wa Kilimanjaro, Anna Mghwira ametoa rambirambi kwa familia ya aliyekuwa mbunge wa Moshi Mjini Philimen Ndesamburo.

Baada ya kutia saini kitabu cha wageni katika ofisi yake mpya leo Alhamisi mkuuu wa mkoa huyo ameenda kuhani msiba nyumbani kwa marehemu Moshi Mjini.

Mghwira aliyeteuliwa hivi karibuni na Rais John Magufuli amewasili katika eneo lake jipyala kazi ikiwa ni siku mbili tu baada ya kuapishwa na Rais, Ikulu jijini Dar es Salaam.

Mghwira anaanza kazi wakati Chama cha ACT-Wazalendo kikimuondoa katika nafasi yake ya Mwenyekiti wa chama hicho kutokana na matakwa ya katiba ya chama hicho.

Hata hivyo Mgwhira ataendeleakuwa mwanachama wa ACT-Wazalendo licha ya kuondolewa uenyekiti wa chama hicho.