Mwanamuziki wa Bongo Fleva, Rayvanny amemgusa kwa nguvu ya Muziki, Mhe. Rais Samia Suluhu Hassan kwenye Kikao cha kiongozi huyo na vijana wa Tanzania kupitia vijana wa mkoa wa Mwanza.

Rayvanny alifanikisha hilo alipotoa burudani ya wimbo wake wa kumuunga mkono juhudi za maendeleo nchini kiasi cha Rais Samia kunyanyuka Jukwaa kuu na kwenda kumtunza msanii huyo kwenye Jukwaa la Burudani.

Mhe. Rais Samia alifanya kikao hicho na Vijana kilichoambatana na burudani za wasanii mbalimbali katika Uwanja wa Nyamagana mkoani humo, leo Juni 15, 2021.

Baada ya kumaliza show yake hiyo msanii huyo alimpongeza Rais Samia kutokana na juhudi zake katika uchapa kazi wake toka achukue madaraka.