Mwanamuziki wa Bongo Fleva, Rayvanny amefunguka na kusema kuwa tangu Tanzania ipate Uhuru haijawahi kuwa na wimbo kama tetema katika ukanda wa Afrika Mashariki.

Rayvanny ameandika kwamba “Sijisifii toka tupate Uhuru haujawahi kutokea wimbo kama huu ‘tetema’ East Africa Period kama unabisha sema wewe upi” 

Video original ya wimbo wa tetema una views milioni 60 kwenye mtandao wa Youtube, remix ya pili ina views milioni 6 na remix ya tatu ina views milioni 10 mpaka sasa.

Mwanamuziki huyo amesema hayo baada ya wimbo wake kufanya vizuri katika chati za muziki maarufu duniani na kufanya kuwa msanii wa kwanza wimbo wake kucheza Billbord.