Mwanamuziki wa Bongo Fleva, Ray Vanny amemjibu Matonya baada ya msanii huyo kudai wimbo Zilipendwa wa WCB wamechukua idea kutoka kwake.

 Zilipendwa ni wimbo ambao Matonya anadai wamechukua kutoka kwake kwasababu na yeye alikuwa na wimbo wenye jina kama hilo Zilipendwa.

Ray Vanny amesema kuwa hakuna walichochukuwa kutoka kwenye wimbo wowote na kuweka kwenye wimbo wao wa Zilipendwa na kuongeza kuwa majina kufanana sio tatizo la wao kuonekane wameiba wimbo kutoka kwa Matonya.

Rayvanny amesema kuwa ‘’Wimbo wa zilipendwa hatuja ‘Copy’ kitu chochote kutoka kwenye wimbo wa msanii yoyote na nisemetu jina la huo wimbo lisiwe sababu kwani majina huwa yanafanana’’.

Hata hivyo kwa upande wake Matonya amesema kuwa anachokilalamikia kila siku sio kutumia jina bali kutumia ‘Melody’ zake ambazo alizitumia katika wimbo wake ambao ulitoka miaka kadhaa iliyopita.

Wimbo wa Zilipendwa wa WCB ni wimbo wa kwanza ambao umewakutanisha wasanii wote wa kundi hilo na kuleta vionjo mbalimbali ambavyo vimeufanya wimbo huo kuwa mkubwa.