Klabu ya Yanga imemsajili mshambuliaji wa kimataifa wa Tanzania, Ibrahim Ajib kutoka klabu ya Simba ya jijini Dar es Salaam.

Mshambuliaji huyo amesaini mkataba wa miaka miwili kuitumikia klabu hiyo yenye maskani yake mitaa ya Twiga na Jangwani jijini Dar es Salaam.

Ajibu anakua mchezaji wa kwanza kujiunga na Yanga akitokea mikononi mwa watani wao Simba kwa msimu huu wa 2017/18.

Katibu mkuu wa klabu hiyo, Charles Mkwasa amemtambulisha mchezaji huyo leo mbele ya waandishi wa habari makao makuu ya klabu hiyo Jangwani.