Rais mstaafu wa Jamhuri ya Muungano wa Tanzania awamu ya tatu, Banjamin Wiliam Mkapa jana amesherehekea kumbu kumbu ya ndoa yake na mkewe Mama Anna Mkapa katika kanisa la Mt. Petro jijini Dar es Salaam.

Viongozi mbali mbali waliudhuria kwenye sherehe hiyo ambapo walipata chakula cha machana kwa pamoja.

Viongozi waliohudhuria kwenye sherehe hiyo maarufu kama Jibilei ya dhahabu ni pamoja na rais wa Jamhuri ya Muungano wa Tanzania, Dk. John Pombe Magufuli na Katibu mkuu wa Chama Cha Mapinduzi (CCM) , Abdulrahman Kinana.

Pia Aliyekuwa Waziri Mkuu na mgombea urais kupitia CHADEMA, Edward Lowasaa nae alihudhuria kwenye sherehe hiyo ambapo alionekana mtu mwenye furaha alipokuwa anasalimiana na rais Magufuli pamoja na Kinana.

Viongozi hao walionekana wenye furaha kwa pamoja kwa kuacha tofauti zao kwenye siasa na kuungana kuwa kitu kimoja wakati wa sherehe hiyo iliyofanyika jana jijini Dar es Salaam.

Rais Magufuli na Lowasa walikuwa kwenye kinyanganyiro cha kugombea urais katika uchaguzi mkuu uliofanyika mwaka jana ambapo Rais Magufuli ameshinda na kuwa rais wa awamu ya tano wa Tanzania huku Lowassa akipingana na matokeo hayo yaliyotangazwa na tume ya taifa ya uchaguzi hapa nchini.

Lowassa kwasasa ni mjumbe wa kamati kuu ya CHADEMA ambapo nae ameshiriki katika mazungumzo ya kuanzishwa kwa maandamano ya Septemba mosi maarufu kama ‘UKUTA’  kupinga Serikali ya rais Magufuli.