Rais wa Jamhuri ya Muungano wa Tanzania, Dk. John Pombe Magufuli amepokea jumla ya wanachama wapya 2,880 kutoka vyama vya upinzani kuingia CCM akiwemo mkuu wa mkoa Kilimanjaro Anna Mghwira.

Rais Magufuli ambaye ni mwenyekiti wa CCM  Taifa amepokea wanachama hao katika mkutano mkuu wa Jumuiya ya wanawake wa Chama Cha Mapinduzi (UWT) kinachfanyika mkoani Dodoma.

Wakati akipokea wanachaa hao Rais Magufuli amesema kuwa Chama chake kimekuwa kikiimarika kila siku ndiyo maana kimeanza kukimbiliwa na watu mbalimbali kutoka kwenye vyama vya upinzani.

Rais Magufuli amesema kwa sasa ni mwanzo tu kwani mwaka 2020 Vyama vingine lazima viisome namba kwa kukimbiwa na wanachama wao.

Pia Rais Magufuli amesema kuwa Chama Chake kwasasa kimejikamilisha ndiyo mana wanachama wa vyama vingine wana hama na kuhamia CCM kutokana na kazi nzuri inayofanywa na Serikali ya CCM.