Rais wa Jamhuri ya Muungano wa Tanzania, Dkt John Pombe Magufuli leo ameondoka Dar es salaam kuelekea Mwanza kwa ziara ya kikazi ya siku mbili.

Akiwa mkoani Mwanza Rais Magufuli atazindua daraja la Furahisha lilojengwa ili kurahisisha mawasiliano kati ya waenda kwa miguu na vyombo vya moto.

Baadaye rais Magufuli ataelekea Nyakato wilayani Nyamagana kufungua Kiwanda cha Sayona Drinks Limited na kuhitimisha ziara kwa siku hiyo.

Jumanne, rais atafungua Kiwanda cha Victoria Moulders and Polybags, kilichopo Igogo jijini Mwanza.

Pia siku hiyo ya Jumanne Rais Magufuli ataelekea Buhongwa kwa ajili ya kufungua Kiwanda cha Dawa cha Prince Pharmaceutical Industry.