Rais wa Jamhuri ya Muungano wa Tanzania, John Pombe Magufuli amemtumia salamu za rambirambi Rais wa Jamhuri ya Cuba, Raul Castro kufuatia kifo cha Rais Mstaafu wa Cuba Fidel Castro.

Katika taarifa yake Magufuli amesema kuwa Fidel Castro alikuwa kiongozi shupavu wa karne, atakumbukwa kwa mchango wake mkubwa katika ukombozi wa nchi za Kusini mwa Afrika na pia kwa misaada mikubwa aliyoitoa katika kuboresha huduma za kijamii kwa wananchi”.

Pia ameongeza kwa kusema kuwa naungana nawe na wananchi wa Cuba katika kipindi hiki kigumu cha majonzi, na pia nakuombea kwa Mwenyezi Mungu wewe, familia na wananchi wote wa Cuba muwe na nguvu, subira na ustahimilivu kutokana na kuondokewa na mpendwa wenu.

Rais huyo mstaafu wa Jamhuri ya Cuba alikuwa mwanamapinduzi mkubwa katika ukanda wa Marekani ya Kaskazini kutokana na jitihada zake za kupambana na wazungu.