Rais wa Jamhuri ya Muungano wa Tanzania, Dkt. John Pombe Magufuli leo amekutana na kufanya mazungumzo na Balozi mteule Dkt. Wilbroad Slaa Ikulu jijini Dar es Salaam.

Katika maongezi yao Rais Magufuli amempongeza Dkt. Slaa kwa moyo wake wa kizalendo wa kukubali kwenda kuiwakilisha nchi ya Tanzania katika kazi yake ya ubalozi.

Pia Rais Magufuli amesema aliamua kumteua kuwa Balozi kwa kuwa anatambua ataweza kupigania maslahi ya Tanzania popote atakapopangiwa kuiwakilisha.

Kwa upande wa Dkt. Slaa amesema kuwa anashukuru sana Rais Magufuli kumteua nafasi hiyo na kuaidi atafanya kazi kwa bidii katika nafasi aliyochaguliwa.

Pia Dkt. Slaa amesifia utendaji kazi wa Rais Magufuli na kusema kuwa kwasasa nchini imepata mtu sahihi wa kuleta maendeleo kwani ni mtu anayepiga na vita dhidi ya ufisadi.