Staa wa Bongo Fleva, Quick Rocka amesema kuwa hajawahi kuwa katika uhusiano wa kimapenzi na muigizaji wa Bongo Movie, Kajala Masanja licha ya kuwepo kwa taarifa hizo.

Quick Rocka amekanusha taarifa za muda mrefu kuwa ana mahusiano ya kimapenzi na muigizaji huyo mpaka ikapelekea kuchora Tattoo ya jina lake.

Mwanamuziki huyo amesema kuwa hajawahi kuchora tattoo ya Kajala bali ni tetesi zinazosambazwa katika mitandao ya kijamii.

Ameendelea kusema kuwa yeye na Kajala ni marafiki wa kawaida na wameshirikiana katika shughuli zao za kikazi kama vile movies, series na vitu vingine lakini hakuna uhusiano wa kimapenzi.

Mwaka 2015 wawili hao waliwahi kuposti video wakiwa katika mahaba mazito ya kimapenzi na Quick aliwahi kukiriri ku’date’ na mrembo huyo.