Mwanamuziki wa Bongo Fleva, Diamond Platnumz ameweka wazi makeke ya ujio mpya wa first lady wa WCB, Mwanahawa Abdul au ‘Queen Darleen.

Diamond amethibitisha ujio huo kwa kushea video fupi ikimuonesha Darleen akiwa studio tayari kwa ajili ya maandalizi ya kazi mpya.

Kwa muda mrefu, Darleen amekuwa kimya akijihusisha zaidi na masuala ya kifamilia ambapo aliingia kwenye ndoa na kujaaliwa mtoto hivyo akawa kwenye likizo ya uzazi.

Uongozi wake umeeleza juu ya ujio wake mpya kwa mwaka huu wa 2022 baada ya kukaa kimya kwa muda mrefu bila kuachia nyimbo mpya kwa mwanamuziki huyo.