Mwanamuziki wa Bongo Fleva, Q Chief amedai kuwa Harmonize amekuwa akiendekeza suala la ukabila ndani ya lebo yake ya Konde Music Worldwide, jambo ambalo siyo zuri.

Chief anadai kuwa, suala hilo ndilo hasa lilimemsababisha Country Boy kuachana na Konde Music mapema mwaka huu.

“Ana ukabila kidogo ambao siyo mzuri, ambao Diamond hana huo ukabila, Kiba hana huo ukabila, inabidi autoe. Wewe unadhani ile tour ya Marekani hakustahili Country Boy?” anahoji Q Chief.

Ikumbukwe Julai, 2019, Harmonize alimzawadia Q Chief gari aina ya Toyota Porte na baadaye kuachia ngoma tatu za pamoja.