Mwanamuziki nyota nchini Kenya, Prezzo amefunguka na kusema kuwa amemaliza tofauti zake na mwanamuziki mwenzake, Jaguar baada ya kuwa kwenye mgogoro kwa muda mrefu.

Prezzo amesema kuwa kwasasa hana tatizo na mwanamuziki huyo na mtu yoyoye katika tasnia yoyote ile.

Prezzo aliwahi kusema hamjui mtu yeyote anayeitwa Jaguar, ila analijua aina ya gari inayoitwa Jaguar ambalo ni la kisasa kutoka nchini Uingereza na Jaguar mwingine ambaye alikuwa anamjua msanii huyo ni mnyama na si binadamu.

Wanamuziki hao wamekuwa wakirushiana maneno mara kwa mara kwenye mitandao ya kijamii pamoja na vyombo vya habari lakini sasa hali hiyo imefikia mwisho.

Prezzo kwasasa anatamba na wimbo wake mpya unaokwenda kwa jina la ‘Hamsa Mia’ aliomshirikisha mwanamuziki wa Bongo Fleva, Dogo Janja.