Polisi wamefyatua risasi  mjini Kisumu wakiendelea kukabiliana na wafuasi wa Raila Odinga ambao wamefunga baadhi ya barabara.

Mabomu ya kutoa machozi  na maji ya kuwasha yametumiwa kuwatawanya watu waliokuwa wamekusanyika katika uwanja mkuu wa mji huo ambao ni ngome ya Odinga.

Upigaji kura katika uchaguzi wa urais wa marudio Kenya unafanyika katika  ofisi za ubalozi nchini Tanzania ambako Wakenya wachache wamejitokeza asubuhi jijini Dar es Salaam na mjini Arusha.

Faith Wambui Njogu, mmoja wa waliofika kupiga kura amesema ana furaha kwa kutekeleza wajibu wake.

Katika maeneo mengi ya Kisumu, mji ambao ni ngome ya Raila Odinga, wakazi wamefunga barabara na kuchoma matairi sehemu mbalimbali.

Mwandishi wa BBC Alistair Leithead amesema hajashuhudia kituo chochote ambapo upigaji kura unaendelea.