Kocha wa Tottenham, Mauricio Pochettino amesema kuwa klabu hiyo  inaweza kuifunga Manchester United bila ya Harry Kane.

Pochettino amesema kuwa anaamini timu yake inaweza kushinda bila Harry Kane kutokana na wachezaji wengi kuwa na kiwango kikibwa kwenye timu hiyo hivyo si kweli watashindwa kucheza vizuri bila Kane.

Kocha huyo ameendelea kusema kuwa ni kweli amejisikia vibaya kumkosa mshambuliaji huyo kwasababu ni miongoni mwa washambuliaji bora sana kwasasa Ulaya na duniani kwa ujumla.

Pochettino amesema kuwa nafasi ya Kane itazibwa na mshambuliaji Fernando Llorente kama msimu uliopita wakati Kane alivyokuwa nje na nafasi yake ilichukuliwa na Son ambaye alicheza vizuri na mpaka timu kushika nafasi ya pili.

Ikumbukwe kuwa hadi sasa Harry Kane amecheza mechi 12 na kushinda magoli 13 kwenye mashindano yote timu yake inayoshiriki msimu huu.

Kane mwenye umri wa miaka 24 atakosa mechi ya leo dhidi ya Manchester United kwenye uwanja wa Old Trafford baada ya kuumia misuli ya paja kwenye mechi dhidi ya Liverpool waliyoshinda 4-1.