Mwanamuziki nyota wa Marekani, Soulja Boy amesema kuwa Chris Brown amejiondoa kupigana kwenye pambanao lao lililopangwa mwanzoni mwa mwaka huu.

Wawili hao walikuwa wamezozana kwenye mitandao ya kijamii na baadaye wakaandaa pambano la ndondi kuamua nani mkali mjini Las Vegas.

Pambano hilo lingekuwa la raundi tatu lakini tarehe ya kufanyika kwa pigano hilo haikuwa imetangazwa.

Bingwa wa zamani wa ndondi duniani, Mike Tyson alikuwa akimpa mafunzo Chris Brown naye Soulja Boy alikuwa akifundishwa na Floyd Mayweather.

Lakini rapa huyo ametangaza kupitia Twitter kwamba pigano hilo ambalo lilikuwa na dau ya $1m (£803,500) halitafanyika tena.

Soja Boy amesem “Meneja wa Chris Brown alimpigia meneja wangu usiku wa kuamkia leo na kuniambia kwamba pigano halitafanyika tena na kwamba hatatia saini mkataba. Msiniulize zaidi.”