Mtayarishaji wa Mkongwe wa Muziki Bongo, P. Funky Majani amemtaka, Afande Sele kumuandikia mashahiri msanii Hamorapa ili kutimiza ndoto zake na siyo kumkatisha tamaa.

Kauli hiyo ya Majani imekuja baada ya siku kadhaa Aafande Sele kumdiss mwanamuziki huyo kwa kusema kuwa hana kipaji ila ana force kuimba lakini hana uwezo amekalia kiki tu.

Majani amesema kuwa kwa kuwa tayari Afande anakofia ya ufalme wa mashahiri anapaswa kuwasaidia wadogo zake wenye shauku ya kusikika na siyo kuwakatisha tamaa huku akijiona yeye ndiye anafaa kuimba kuliko wengine.

Producer huyo ameongeza kwa kusema kuwa anachotakiwa  kufanya Afande Sele kuwasaidia wadogo zake akiona wanayumba lakini siyo kuwadis kama anavyofanya kwa Harmorapa.

Ameongeza kwa kusema kuwa “Wewe ni Mfalme wa Rymes unapaswa kuwasaidia wadogo zako ambao wanaonyesha juhudi zao binafsi za kujituma. Siyo lazima Afande ufoke wewe usikike wasaidie hawa wachanga wainuke wawe bora kama wewe usiwakatishe tamaa ukiwa wewe ni kaka yao”.

Majani ameongeza kwamba Harmorapa amebadilika kimuziki tofauti na alivyoanza hivyo ni vyema akazidi kupatiwa misaada mbalimbali ya kumkuza kipaji chake, huku akimwelezea ni kijana anayejituma, mwenye adabu, pia mwenye shauku ya kufika mbali kimuziki