Shindano la kusaka vipaji vya wasanii hapa nchini Bongo Star Search (BSS) linatarajia kuanza Septemba 19 mwaka huu mkoani Mbeya.

Mkurugenzi wa Benchmark Production, Ritha Paulsen maarufu kama madam Ritha amewatambulisha majaji wapya wa msimu wa shindano la Bongo Star Search msimu wa 11.

Ritha amesema anaamini uwezo wa majaji hao katika kutambua vipaji kutoka katika mikoa ambayo timu nzima itapita.

Majaji hao wapya ni Ommy Dimpoz na Christian Bella huku Master J ambaye ni mmoja wa majaji wakongwe akiendelea kubaki katika nafasi yake.

Msimu wa mwaka huu unatarajiwa kuanza kusaka vipaji Septemba 19 mkoani Mbeya, Arusha Septemba 26, Mwanza Oktoba 3, Dodoma Oktoba 10 na Dar es Salaam itakuwa Oktoba 17 na 18 mwaka huu.