Mkali wa RnB kutoka nchini Marekani, Omarion amefunguka sababu ya kufanya ngoma na mwanamuziki wa Bongo Fleva Diamond Platnumz.

Omarion amesema kuwa kuna miradi mingi sana ambayo amefanya na Diamond kwa sababu ana akili kubwa ya maendeleo.

Mwanamuziki amewataka mashabiki kuendelea kusubiri mengi kutoka kwake na Diamond, akisisitiza kuwa wamefanya miradi mingi mizuri na mikubwa.

Katika hatua nyingine, Omarion alisema kuwa aliamua kufanya video ya ‘Distance’ nchini Afrika Kusini kwa sababu Afrika ni Bara ambalo lina vitu vingi vya kipekee lakini watu wengi hasa wa Marekani hawajalitambua hilo.

Kolabo hiyo kubwa kwa Diamond imekuja siku chache baada ya kuanika mtandaoni vipande vya video ya wimbo aliofanya na Boss wa MMG, Rick Ross.

Mwanamuziki huyo usiku wa kuamkia leo aliwapa shangwe wakazi wa jiji la Dar es Salaam kwa tamasha la aina yake katika ukumbi wa klabu Element uliopo Masaki.