Mamlaka ya Mawasiliano nchini (TCRA) imezifungia nyimbo 13 za wasanii wa Bongo Fleva kutokana na kukosa maadili.

Nyimbo mbili za Nay wa Mitego wanamuziki Ney wa Mitego, Roma Mkatoliki, Jux na Barnaba pia zimefungiwa.

Nyimbo za Diamond, ambaye jina lake halsii ni Nasib Abdul, zilizofungiwa ni Hallelujah (aliomshirikisha Morgan Heritage ) na Waka Waka (aliomshirikisha Rick Ross).

Barua kutoka Mamlaka ya Mawasiliano nchini Tanzania kuelekea Radio moja mjini Dodoma imesema nyimbo hizo zimefungiwa kwa ushauri kutoka kwa Baraza la Sanaa la Taifa (Basata).

Basata wamewasilisha kwa TCRA orodha ya nyimbo hizo ambazo zimedaiwa kuwa “zisizokuwa na maadili.”

Nyimbo mbili za Ney wa Mitego, jina lake halisi Emmanuel Elibariki – Pale kati Patamu na Maku Makuz – pia zimefungiwa.

Mwanamuziki Roma Mkatoliki ambaye jina lake halisi ni Ibrahim Mussa naye amefungiwa wimbo wa Kibamia.

Wimbo wa Amani Hamisi maarufu kama Manifango wa Hainaga Ushemeji pia umefungiwa, sawa na I am Sorry JK wake Nikki Mbishi ambaye jina lake halisi ni Nicas John Mchuche.