Aliyekuwa Mbunge wa Singida Kaskazini, Lazaro Nyalandu ameshindwa kupanda jukwaani na kuhutubia mkoani Mtwara baada ya kukosekana ndege.

Akithibitisha hilo mkurugenzi wa Itifaki, Mawasiliano na Mambo ya Nje wa Chadema, John Mrema amesema kuwa kukosekana kwa ndege inayofanya safari kati ya Dar es Salaam na Mtwara kumemsababishia Nyalandu kushindwa kuhudhuria mkutano huo, kwani alikuwa Nairobi nchini Kenya kumjulia hali Tundu Lissu.

Amesema kuwa Nyalandu amefika Dar es Salaam na kukosa ndege ya kwenda Mtwara, hivyo amewaomba radhi wananchi ambao walikuwa wanasubiria kumsikiliza na kwamba wanaandaa kwa ajili ya siku nyingine kuweza kufanya hivyo.

Mwenyekiti wa Chadema, Freeman Mbowe siku ya Jumamosi akihutubia mkutano wa hadhara wa kampeni ya uchaguzi mdogo wa udiwani katika Kata ya Saranga jijini Dar es Salaam alisema amempokea Nyalandu na Jumapili Novemba 12, 2017 angeungana naye kwenye mkutano wa kampeni mjini Mtwara