Mwanamuziki wa Bongo Fleva, Emmanuel Elibariki maarufu kama Nay wa Mitego ametangaza kuwa ataachia wimbo utakao muwezesha kupata pesa ya kulipa ada ya shule ya mwanae.

Nay kupitia Instagram ametangaza kuwa ataachia wimbo wiki ijayo baada ya madai ya mzazi mwenzake, Skyner Ally, aliyedai kuwa msanii huyo hapokei simu zake na anakwepa kulipa ada ya shule ya mtoto wao.

Madai ya Skyner yaliibuka mwishoni mwa wiki iliyopita baada ya mahojiano yete na yeye, aliyemtaja Nay kama mzazi mkwepa majukumu na kuongeza kuwa hapokei simu zake jambo ambalo Nay alilolijibu kuwa atatoa ushirikiano pale Skyner atakapobadilika kitabia.

Mwanamuziki wiki iliyopita alikutana na rungu la Basata baada ya wimbo wake mpya kufungiwa kutokana na kutokuwa na maadili kwa jamii.